//china-cms.oss-accelerate.aliyuncs.com/25e9e6b8c4d9e870/日語課程報邊間好.jpg?x-oss-process=image/resize,m_mfit,h_457,w_817/format,webp

【暑期日語班推介】幫仔女報日語課程報邊間好?家長必睇四大留神位!

May 05,2021

【暑期日語班推介】幫仔女報日語課程報邊間好?家長必睇四大留神位!

小朋友啱啱復課冇耐,好快就到暑假!如果小朋友平日最鍾意睇動畫,不如就等佢哋可以置學習於娛樂,學好日文,咁就冇中文配音都睇得明啦!小編建議各位爸爸媽媽實行喺今個暑假同仔女報返個日語課程,快人一步練好「三文四語」,等小朋友過返個充實又有意義嘅假期!想知幫仔女報日語課程報邊間好?各位家長就要注意以下暑期日語班四大留神位,睇定報班避伏指南!

日語暑期班與長期班銜接安排不當 日語課程內容重覆累贅

好多家長都會喺暑期考慮報日語班畀仔女,但想知日語課程邊間好就要睇清楚學校有冇規劃好學生學習進程。市面上有部分日語暑期班以短期精讀班做噱頭,希望喺短短兩個月嘅暑期日語班將大量日語知識灌輸畀學生,當中可能涉及唔同程度嘅日文,未必會考慮到學生喺暑期完成日語班後嘅銜接安排。到時學生想繼續讀上去,長期班內容又可能同暑期班嘅日語教學內容重覆,嘥晒學生時間,學習熱情都減唔少。有見及此,家長可以睇睇完成日語暑期班後學校有冇安排常規日語課程畀學生銜接上去!

日語暑期班

圖/Freepik

暑期班內容過於側重趣味性 學完等於冇學

比起常規日語課程,有學校會將日語暑期班定位為興趣班,趣味行先,堂上未必教太多實用日語知識,小朋友學完等於冇學咁,白白浪費咗成個暑假。仲試過有家長反映小朋友學完日語暑期班之後,再讀長期日語課程時完全唔習慣上堂模式,又跟唔上老師嘅講書內容,搞到小朋友對日文冇晒興趣,結果半途而廢。所以家長喺揀日語課程邊間好時一定要留意課堂趣味性同教書比重,有需要仲可以同學校職員查詢日語教材同課程流程,更好判斷上堂內容。

日語暑期班

圖/shutterstock

日語暑期班師資多為外聘或半職 課堂質素冇保證

家長想幫仔女搵間好日語學校,記得留意邊間嘅老師好!至於日文老師好唔好,當然唔只係講緊老師態度又或者學歷,有冇教學經驗都好重要!家長可以試下留意老師嘅聘請方式。好多時暑期班嘅老師都係外聘或半職,甚至有機會係學校畀新老師試水溫嘅實習堂,課堂質素未必有保證。雖然唔好「一枝竹篙打一船人」,但家長幫小朋友報日語暑期班時都可以多個考慮。

日語暑期班

圖/Unsplash

缺乏評核測試 家長唔清楚仔女學咗啲咩

如果家長想認清日語課程邊間好,另外一大要注意嘅地方就係課程有冇包埋評核測試或者其他修畢標準。有啲家長喺揀好邊間日語課程好之後先發現學校冇提供學業評核,仔女上堂學唔學到嘢又無從得知,搞到家長只好估估下。所以家長記得報名前睇清楚日語課程修畢準則去掌握仔女學習表現!

日語暑期班

圖/Freepik

日本語講座旗下嘅暑期日語及日本文化體驗證書課程由2004年起開辦,由富有經驗嘅老師教授,專為學生同青少年而設。除咗畀學生學識日語五十音,仲可以有機會參加「日本文化體驗」課外活動。最後一堂仲有學業評核,總成績達到50%以上同出席率達到75%,先可以獲發證書,咁各位家長就可以更了解仔女嘅學習成果啦!

日語暑期班

完成課程之後仲可以按學生嘅年紀銜接返9月開班嘅1年制小學生日語證書課程或者2年制中學生初級日語證書課程,幫仔女做好長遠學習規劃!

了解詳情:https://www.nihongokoza.edu.hk/web/public/courses/24

日語暑期班

※部份資料及圖片提供:日本語講座