//china-cms.oss-accelerate.aliyuncs.com/bf4b3111cb7350a2/美素佳兒有機奶粉.jpg?x-oss-process=image/resize,m_mfit,h_457,w_817/format,webp

改善BB濕疹由飲食開始:識揀有機奶粉令你行少好多冤枉路!

Jul 06,2021
By Anne

改善BB濕疹由飲食開始:識揀有機奶粉令你行少好多冤枉路!

【來稿】作為一個新手媽媽,照顧BB上每件事都係小心小心再小心!但點都無想到會受BB濕疹問題困擾。望見BB因為濕疹而成日喊,自己除了幫佢搽藥膏外無野做到,覺得自己做媽媽真係好唔合格…… 好彩不停護理同轉飲有機奶粉後BB濕疹改善咗好多先放心番。

肥寶天生小魔怪,照顧佢真係少D精力都唔得……不過唔好睇肥寶依家精精靈靈咁,未夠一歲既時候其實飽受BB濕疹問題折磨而成日喊。當時除咗醫生開咗藥膏外,自己都想盡辦法希望改善到肥寶既濕疹,後來發現從飲食入手幫肥寶轉飲有機奶粉後濕疹舒緩了好多,如果你既小朋友都有BB濕疹問題,不妨參考下~

記得肥寶出世無幾耐就發現佢皮膚好易乾燥同痕,頸邊仲有少少脫皮,經醫生診斷後認為係BB濕疹……聽到後自己好疑惑,點解無啦啦會有BB濕疹?首先我同先生本身都無濕疹,其次屋企(特別係肥寶會接觸既)都keep住有清潔,究竟係咩原因呢?

查咗好多關於成因,最主要係話屋企塵蟎誘發BB濕疹,於是自己瘋狂洗被洗窗簾同吸塵,但濕疹問題仍然無好轉……之後用一些偏方芫荽水/金銀花幫肥寶沖涼都係無用,BB濕疹問題愈來愈嚴重(超!級!崩!潰!)

美素佳兒有機奶粉1

p細細個時既肥寶,次次沖涼都要好小心

望見肥寶成日痕到喊唔到聲,個心又痛,自己都喊埋一份。正當唔知點算好時,醫生就同我更詳細講解BB濕疹成因:香港超過7成BB有過敏症狀可能誘發BB濕疹,除咗環境因素之外,原來BB濕疹/過敏好關小朋友飲食同腸道消化事。

聽完醫生咁講,自己諗多諗時先懷疑令肥寶濕疹既真兇會唔會就係一直無為意既奶粉!?其他媽媽朋友都同我講返,原來BB消化系統發展未完全,好多時會對奶粉裡面唔係咁天然成份過敏,揀奶粉最好揀有機奶粉之類,天然D令到BB容易吸收,最重要少D致敏原,對BB皮膚都好D。

之後自己搵咗好多唔同牌子有機奶粉既資料做功課,發現……

有機奶粉要減低致敏原,預防或改善BB濕疹問題,唔單止要成份係天然有機奶源製造,而且最好係用液態全脂牛奶,因為用左液態全脂牛奶會減少好多加工,而且可以攞到牛奶既第一層奶源精華,接近原乳,keep住哂天然營養例如其他brand無既天然sn-2營養(我發覺其他牌子既sn-2營養好多都係後加架!)

睇完一大輪唔同牌子有機奶粉,問過其他朋友意見,覺得美素佳兒既FRISO PRESTIGE有機奶粉似乎係對肥寶黎講最好同比到信心我,佢個來源係歐盟認證既有機農場,而且係自家農場,夠晒天然有機!FRISO PRESTIGE有機奶粉中唔只天然sn-2,DHA營養都好豐富(DHA係咁多款有機奶粉入面最高~)佢既營養係天然非人工合成,較其他有機奶粉更天然!

本身都驚要肥寶唔適應由飲慣既普通配方奶粉轉成有機奶粉或者令BB濕疹問題冇好轉,但好在係自己想多咗。肥寶好快就接受咗FRISO PRESTIGE有機奶粉既味道,飲咗2個幾月開始明顯見BB濕疹問題轉好,無之前咁成身紅同痕(照醫生指示搽醫膏都好重要嫁~)我個心先無咁大壓力。

有機奶粉

p千揀萬揀……好彩揀岩

不過我都知BB濕疹唔係話好番就好番,除咗飲有機奶粉外,在為肥寶加固時都要小心,比如雞蛋、花生製品或者魚蝦蟹呢類高致敏風險既都唔太夠膽即刻比佢試,頭幾個月加固時每餐都係比佢試一樣新食物(例如今個星期就試食三四日紅蘿蔔)同份量逐少逐少咁加,咁樣可以防止肥寶一下子食太多又消化唔到,同時間留意著食完有無過敏或者發濕疹。

煮加固食物時我盡量都唔調味,希望肥寶試到食物本身味道,有陣時我仲會加少少乳酪落食物,等肥寶多D益生菌落腸,慢慢養好腸道健康,各位媽媽加固時都可以試下咁做。提提大家,BB加固後仍然需要飲奶,好似肥寶都有繼續飲緊有機奶粉補充成長需要既營養。

BB濕疹

各位媽媽千祈唔好睇小BB濕疹或過敏問題,唔趁細個處理好大個可以好長手尾!

揀有機奶粉tips:

1. 市面上有好多標榜自己係有機,但有機唔代表真係天然,最緊要識得睇營養標籤上有無天然sn-2之類寫明「天然」成份

2. 記得揀寫明無落蔗糖同雲呢拿香料,注重天然味道既有機奶粉!BB最好唔好食咁甜

3. 仔細睇奶粉營養包咩,有無天然sn-2/有機GOS/DHA之類天然有機營養

4. 最好揀有得check奶源既有機奶粉,如果係自家農場就更加安心

※部份資料提供:Friso®荷蘭美素佳兒®