【小一派位】70條常見小一面試題目 叩門前記得溫習好

相信家長們已得悉小一派位結果，如果未能獲派心儀小學，不要猶疑，立即帶小朋友前往心儀學校叩門，或者可以爭取到夢寐以求的學位！但叩門前，記得和小朋友做好面試準備，免得浪費難得的機會。小編就準備了70條常見的小一面試題目，分為5個部份，家長可以嘗試融入日常生活之中，透過閒聊問答去引導小朋友，小朋友就可以在不知不覺中把握技巧，提高面試成功機會。一起來看看題目吧！

圖片來源：sundaykiss、heho、lctms、midland

小一面試題目Part 1 – 關於自己

1. 小朋友你叫乜名？

2. 你有冇英文名？

3. 你今年幾多歲？

4. 你住喺邊？

5. 你屋企電話號碼幾多號？

6. 你最鍾意邊本故事書？

7. 你平時鍾意玩乜？興趣係乜？

8. 你鍾意邊套卡通片？鍾意邊個人物角色？

9. 你最鍾意食乜？

10. 你鍾意乜嘢顏色？點解呢？

小一面試題目Part 2 – 關於學校生活

11. 你讀邊間幼稚園？

12. 你喺幼稚園最鍾意上邊一堂？點解呢？

13. 你平時幾點上堂、落堂？

14. 你放咗學鍾意做乜？

15. 你鍾唔鍾意你間學校？點解呢？

16. 你喺學校有冇識到朋友仔？鍾唔鍾意佢哋？

小一面試題目Part 3 – 家庭生活

17. 你屋企有幾多人？有冇兄弟姊妹？

18. 你爸爸媽媽叫乜嘢名？

19. 你爸爸媽媽做乜嘢工作？

20. 邊個朝早叫你起身？

21. 平時邊個接你返學放學？

22. 放咗學之後，有冇人幫你檢查功課？

23. 你自己識唔識做功課？定係需要屋企人教？

24. 邊個幫你喺手冊簽名？

25. 你鍾意爸爸定媽媽多啲？點解呢？

26. 爸爸媽媽放工後會同你做啲乜嘢？

27. 放假時你會同爸爸媽媽去邊玩？會做乜嘢？

28. 你最想爸爸媽媽同你做啲乜？點解呢？

小一面試題目Part 4 – 關於通識

29. 港鐵車廂內，有乜嘢可以做，有乜嘢係唔可以做？

30. 有邊種交通工具只在港島區行駛？

31. 香港機場喺香港邊區？

32. 你知唔知咩叫隧道？講一條香港隧道名呀！

33. 除咗飛機、巴士、港鐵，香港仲有咩交通工具？

34. 知唔知而家幾點？

35. 一年有幾多個月？

36. 一個月有幾多日？

37. 一個星期有幾多日？

38. 一日有幾多小時？

39. 一小時有幾分鐘？

40. 一年有邊四季？

41. 每年中秋節／端午節／清明節我哋會做乜嘢？

42. 聖誕節時我哋會點慶祝？

43. 農曆新年時，你多數會講咩祝賀詞？

44. 家禽同寵物有乜嘢分別？

45. 超級市場同街市有乜分別？

46. 紅色的士同綠色的士有乜分別？

47. 有乜嘢動物係喺水中生活？

48. 有乜嘢動物係食草？

49. 你今日係點樣嚟學校？

50. 過馬路時有乜嘢要注意？

51. 試下講出三個港鐵站。

52. 食飯之前要做乜嘢？

53. 去完廁所之後會點做？

54. 如果你覺得身體唔舒服，你會點做？

55. 你識唔識用平板電腦/手提電話？

56. 你會用平板電腦/手提電話嚟做乜嘢？

小一面試題目Part 5 – 關於突發情況

57. 如果有緊急情況，你會打畀邊個？

58. 我哋幾時需要消防員的幫忙？

59. 如果火警鐘響，你會點做？

60. 如果你接到陌生人電話，你會點答？

61. 如果你喺地上執到一張$20， 你會點做？

62. 如果你好想要一件玩具，但爸爸媽咪唔準買，你會點做？

63. 如果行街嗰陣唔見咗爸爸媽咪，你會點做？

64. 喺學校見到有同學跌親，你會點做？

65. 喺學校見到同學打交，你會點做？

66. 如果你遇到陌生人，佢仲話請你食雪糕，你會點做？

67. 如果父母遲咗接你放學，你會點做？

68. 如果你唔小心打爛嘢，你會點做？

69. 如果只係得一部玩具車，你同同學仔都好鍾意，你會點做？

70. 如果同學仔話唔鍾意你，你會點做？