//china-cms.oss-accelerate.aliyuncs.com/d7e55456b5c70e4e/近視眼藥水幫助.jpg?x-oss-process=image/resize,m_mfit,h_457,w_817/format,webp

【兒童近視】近視眼藥水幫助「零加深」體驗分享

Apr 07,2021

【兒童近視】近視眼藥水幫助「零加深」體驗分享

【來稿】有過千度近視嘅鋒媽一直都好緊張鋒鋒嘅眼睛健康,但即使鋒鋒由K2開始每年都會去眼科中心做視力檢查,依然一上小學就加入四眼行列,而用ZOOM 上堂,更令鋒鋒嘅近視由150度急升到300度,嚇親鋒媽。為了幫鋒鋒控制近視,鋒媽最後接受眼科醫生建議,上個月起讓鋒鋒試用低濃度阿托品眼藥水控制近視,至今已經用了一個多月,係時候去覆診兼同大家分享鋒鋒嘅用後感;同時亦想分享鋒媽對OK鏡等不同控制近視產品嘅睇法,俾大家參考。

控制近視眼藥水

使用控制近視眼藥水方法好簡單,每晚臨訓前雙眼各一滴,第二朝起身如常佩戴眼鏡便可。

控制近視眼藥水

用了眼藥水控制近視至今鋒鋒一直無出現抗拒或雙眼不適嘅情況,依家漸漸習慣咗每晚自動自覺叫鋒媽幫佢滴眼藥水,多左呢個滴眼藥水嘅親子環節,都幾sweet!加上我地選用的低濃度阿托品控制近視眼藥水採用一次性獨立包裝,安全衛生,呢個亦都係點解鋒媽最後揀近視眼藥水而OK鏡嘅其中一大原因。

控制近視眼藥水

同OK鏡唔同,在沒有鋒媽嘅幫助,鋒鋒都可以自己滴控制近視眼藥水。

此外,鋒媽當然最關心眼藥水控制近視嘅效果。由於係初次使用控制近視眼藥水,眼科醫生建議,在使用控制近視眼藥水一個月後覆診,以便跟進鋒鋒控制近視嘅進度,俾醫生仔細檢查眼睛及眼球健康。今次覆診,醫生配左五個月份量的眼藥水。

控制近視眼藥水

鋒鋒近視無加深,可以話幫鋒媽打咗支強心針,鋒媽相信控制近視是一場持久戰,揀啱方法,有恆心就可以成功!在試用控制近視眼藥水前,鋒媽都同好多家長一樣搵過不同控制近視產品做比較,包括離焦鏡片(DIMS) 、角膜塑形隱形鏡(OK鏡),同鋒鋒試用中嘅低濃度阿托品眼藥水;亦都曾經因為朋友介紹,試過俾鋒鋒用OK鏡。以下係鋒媽比較不同產品嘅小心得。

控制近視眼藥水

離焦鏡片(DIMS)

DIMS鏡片係通過光學離焦原理將周邊視野影像投射至視網膜前面,以抑制眼球增長控制近視度數加深。但考慮必須全日佩戴,而且要時刻保持鏡框位置正確,先可以確保效果。由於呢個要求唔太適合好動嘅鋒鋒,所以鋒媽好早就剔除呢個選擇考慮。

適用對象:六歲以上,近視不超過650度,散光不超過400度嘅小朋友

價錢:約3千多元起 (唔包鏡框)

控制近視眼藥水

角膜塑形隱形鏡(OK鏡)

OK 鏡係一種角膜塑形技術,當小朋友訓覺時配戴OK鏡,OK鏡會向角膜施壓,改變眼角膜弧度,減低近視,日間就可以短暫獲得清晰視力。起初聽朋友推薦OK鏡時,我都幾鍾意,因為日間不用戴眼鏡,鋒鋒做運動時就更方便,於是就嘗試俾鋒鋒試戴OK鏡。但鋒鋒每次戴OK鏡都要成10幾分鐘先戴到,加上戴OK鏡過程中經常掂隻眼,而且鋒鋒瞓覺時會不自覺地摔眼,怕戴OK鏡會好容易刮傷角膜,或許有衛生問題,所以鋒媽最後都係放棄呢個方法。

適用對象:六歲以上,近視不超過600度嘅小朋友

價錢:每年大約需要$15,000至$20,000,另需額外購買隱形眼鏡藥水以清洗OK鏡

控制近視眼藥水

低濃度阿托品眼藥水

低濃度阿托品眼藥水係眼科醫生用於小朋友控制近視的一線藥物。鋒媽都係兩個月前上網再做資料搜集才知道呢個方法。呢隻控制近視眼藥水嘅原理,主要係放鬆控制瞳孔嘅括約肌,使眼球不被長時間拉長而定形。中文大學研究報告證實,有效減慢近視加深速度近70%。由於控制近視眼藥水必需由醫生處方,才可使用,整個‘’療程‘’有醫生睇住,比起其他控制近視嘅方法更為安心。

適用對象:患有任何近視度數的小朋友

價錢:每月大約需要$550至$700

以上係鋒媽做資料搜集後嘅個人睇法,鋒媽都好期待5個月後鋒鋒見眼科醫生時嘅成果驗收,到時再同大家分享好消息!

控制近視眼藥水

如果你哋都想知多啲控制近視眼藥水同其他兒童控制近視的方法都可以去呢度了解多啲!

https://www.childeyecares.com/

https://www.facebook.com/childeyecares/

※標題及內文經過編輯,原文為「使用控制近視眼藥水一個月用後感!」

作者:小腳板走天涯の鋒媽與鋒鋒

Blog:https://blog.ulifestyle.com.hk/viann

*本文章所發表的全部內容均屬個人意見及感受,並不代表任何品牌(公司)與本網站言論或立場。