//china-cms.oss-accelerate.aliyuncs.com/b93d6838814dce63/太古酸菜魚餐廳推介.jpg?x-oss-process=image/resize,m_mfit,h_457,w_817/format,webp

【JoiCy x金公館】太古酸菜魚餐廳推介 香港都有好食片皮鴨

【來稿】話說香港之前禁堂食關係而同屋企人日日夜晚叫外賣,叫到開始覺得悶悶地,難得最近晚市開返又一家齊人得閒所以久違地出街食飯。由於老豆好中意食片皮鴨同酸菜魚,所以揀餐廳時我專程帶佢哋去太古康怡嘅廣場3樓嘅金公館中菜館,而且好多評價話金公館係香港食片皮鴨唔錯選擇。

圖片來源:作者提供

金公館本身就以京川粵菜著名,由四川大廚主理,保證風味正宗,見唔少人嚟餐廳食酸菜魚;而裝潢格局同我哋印象嘅中餐廳或酒樓唔同,佢哋更加傾向行「高級版」小菜館路缐,不過仍然保持住貼地嘅價錢,大部分小菜都只係百零蚊左右!相信唔少太古友都有過金公館餐廳食酸菜魚或者片皮鴨。

準時入座 享受美食

去到大概5分鐘左右已經可以入座,坐位十分寬敞舒服,另外留意到一個細節值得一提,茶水有專門嘅熱水器保持茶水溫度,好貼心!

睇咗餐牌好耐先諗好叫乜食物,因為太多餸菜都想試喇!除左餐廳出名嘅酸菜魚同片皮鴨外,仲有香港人至嘅口水雞、蒜泥白肉、四川擔擔麵等等,揀咗一陣做到決定。

首先,我哋叫咗一人一盅青城山杏汁白肺湯,咁啱呢排天氣反反覆覆正好滋潤一下。一見到乳白色湯水就知呢盅熬得夠時間同火候、湯料亦都十分豐富,有豬肺、雞腳、瘦肉等。未入口已經聞到濃郁嘅杏仁香味,飲落溫厚細甜又夾雜住磨成粉末嘅杏仁顆粒感,好快就成盅飲晒。

享受美食

之後係開胃小食蒜泥白肉。

金公館嘅蒜泥白肉同出邊食開好唔同,無咁油,原因係廚師為咗解決重慶口水汁加上肥肉嘅油膩感,有刻意喺每片白肉入面夾了一薄片青瓜,解膩同時更令口味層次變得更豐富,十分推薦。

酸菜魚餐廳

輪到主菜上場!我哋一共叫咗三道主菜-老壇子酸菜魚、北京片皮鴨和水煮牛肉。

主菜(1):老壇子酸菜魚

金公館餐廳嘅酸菜魚絕對令人一試難忘,畀你完完全全感覺正宗四川風味!(過往食過其他酸菜魚餐廳無邊幾間有同樣質素)

餐廳用作煮酸菜魚嘅配料同辣椒都係來自四川,當中特別係酸菜魚中嘅酸菜更加係古法老壇醃製而來嘅小葉無筋酸菜,口感特別爽脆,更加令成個湯底得到昇華,醇香酸辣融合為一;份量十足嘅酸菜魚足夠4個人分食有餘,魚肉肉質特別鮮嫩「啖啖肉」老豆食得十分暢快,一啖魚一啖湯,叫晒過癮(仲誇張到話係成世人食過最好嘅酸菜魚餐廳……)

老壇子酸菜魚

主菜(2):北京片皮鴨

口食酸菜魚,看已經望實一併端上嘅北京片皮鴨,同好多香港人一樣我本身就中比較中意食雞鴨鵝,只係片皮鴨香港相對比較少機會食到同埋香港片皮鴨好食嘅餐唔多同一般偏貴。

片皮鴨淨係塊塊油光亮面嘅賣相已經令人口水流,夾起可以見到片皮鴨特別「片」走皮下嗰層油脂,減少油膩更健康,啱晒好似我咁怕肥又中意食片皮鴨嘅香港人。

北京片皮鴨

北京片皮鴨

片皮鴨夠晒薄薄脆之餘,配搭其他材料包食更加美味,例如青瓜條能清解油膩,令口感層次豐富;京蔥絲吸收油脂後更惹味香濃;蜜瓜條味道清新,喚醒味蕾;西芹絲味道清香,口感爽脆,口感極佳。

北京片皮鴨

太古酸菜魚餐廳推介7

主菜(3):水煮牛肉

屋企人無肉不歡,即使叫了餐廳招牌酸菜魚同片皮鴨都仲未滿足,於是多叫一道水煮牛肉。因為正宗四川師傅主理嘅關係,水煮汁麻辣層次同色香味更傾向四川本土口味,而牛肉更索盡湯汁精華之餘,亦有保持本身嘅嫩滑。

水煮牛肉

真係好耐無出街嘆返餐好,今次食金公館酸菜魚餐廳無論係自己定屋企人都得到好大滿足!自己最中意一定係片皮鴨,因為香港無乜地方可以食到咁高質、正宗嘅片皮鴨,值得大家一試!

※標題及內文經過編輯,原文為「太古酸菜魚餐廳|片皮鴨香港好味道 | Joicy x 金公館」

作者:JoiCy

Blog:http://be-joyaholic.blogspot.com/

*本文章所發表的全部內容均屬個人意見及感受,並不代表任何品牌(公司)與本網站言論或立場。