//china-cms.oss-accelerate.aliyuncs.com/7a9132c1044f26c7/五大必食大家樂下午茶.jpg?x-oss-process=image/resize,m_mfit,h_457,w_817/format,webp

【三點三】五大必食大家樂下午茶 創新x真.經典港味一定唔可以錯過

May 14,2021

【三點三】五大必食大家樂下午茶創新x真.經典港味一定唔可以錯過

返工總係餓,每日喺office長時間工作,最期待嘅當然係tea time喇!大家樂嘅下午茶相信係唔少香港人嘅集體回憶,咁多年都保持住高水準嘅港式味道,價錢親民之餘,亦睇準港人鍾意試新口味嘅心態,定期推出新款下午茶,驚喜不斷,自然深受香港人歡迎。今日小編就同大家數一數Top5「真.經典大家樂下午茶」,你又試過幾多款?

1. 脆炸雞髀

大家樂皇牌下午茶必數梗係炸雞髀喇,金黃香脆嘅炸雞髀,一咬肉汁爆發,諗起都已經食指大動。唔好睇少一隻炸雞脾,其實入面大有學問,大家樂炸雞脾下午茶餐賣咗五十幾年,其實改良過好多次,先有今日嘅口味!選用大大隻雞髀,脂肪少得嚟口感又唔會太肥膩,每隻都即叫即炸,加埋特製香料醃足三日令佢完全入味之後,包上炸粉再按摩均勻,先擺入油鑊炸香,火候亦要控制得好,先可以熟得嚟又唔會炸得乾晒,真正做到外層「脆卜卜」丶內裏雞肉嫩滑多汁!茶餐配紅豆冰或者可樂,簡直係超完美絕配!

脆炸雞髀

2. 西多士

花生醬餡加糖漿係最經典嘅西多士做法,大家樂下午茶就經常「搞搞新意思」,將港式西多士融合各種新潮口味,不斷創出新經典!以往大家樂下午茶曾經有過流沙奶皇、抹茶、阿華田、紅豆等口味,仲試過流心黑芝麻同紫薯做西多士餡料添!唔好睇少大家樂廚師嘅創意,每次都會跟足飲食潮流趨勢,畀到食客新鮮感!

小編一向都鍾意食西多士,今次去到大家樂,驚喜見到大家樂再次推出「流心阿華田西多士」。小編就諗可能因為呢款西多士太受食客歡迎,所以大家樂為咗滿足食客要求就再次推出,可見連鎖集團都會聽食客意見!

雖然阿華田好吸引,但小編今次都係試返大家樂下午茶嘅經典西多士。倒上糖醬,再切開包住蛋漿即炸嘅西多士,熱辣辣咁放入口質感香脆,如果再加杯紅豆冰,真係幸福感滿瀉呀!

西多士

3. 粒粒紅豆冰

粒粒紅豆冰

紅豆冰堪稱茶餐飲品嘅皇者,大家樂採用一半紅豆粒配一半紅豆沙,軟滑得嚟又有口感,相當有層次,配合花奶,味道啱啱好,唔會「甜到漏」,大家樂下午茶餐中嘅紅豆冰仲可以配搭多款美食,例如炸雞脾、西多、或者燒味粉麵,冰爽感覺可以沖走食物嘅油膩感,炎炎夏日呷一啖,認真舒暢!

延伸閱讀:【飲食知多啲】與你解構大家樂下午茶三寶 「炸雞髀、西多士、紅豆冰」

4. 公司三文治

公司三文治

大家樂公司三文治下午茶餐非常大份,如果撞啱開會,或者太忙冇時間出去食lunch,一份公司三文治茶餐其實亦非常之飽肚,三層麵包夾住煎香嘅煙肉、嫩滑雞蛋、爽脆生菜同埋清新番茄,絕對係最fresh嘅配搭!小編最欣賞當中嘅烘底三文治,三文治散發出陣陣麵包香,加上用料十足,性價比甚高,相當有誠意!

5. 燒味飯/粉

燒味飯/粉

如果想食飽一啲,大家樂下午茶嘅燒味確實係一個非常唔錯嘅選擇,大家樂燒味價錢大眾化,而且多年嚟都保持高質素,有叉燒、燒鴨呢啲經典組合,而且燒味肥瘦比例啱啱好,每一件都相當厚切,絕對唔馬虎!小編個人極力推薦燒鴨米粉,鴨油酥香,加上厚切肥美鴨肉同香濃惹味嘅燒鴨汁,配埋飲品,確實係「抵食」之選!

延伸閱讀:早午晚餐定下午茶? 大家樂10大「食過返尋味」排行榜 第一名大家一定食過!

成為Club 100 會員 享受多重至抵優惠

想下午茶食得更「抵」,記得下載大家樂Club100會員App,免費登記之後仲即送$20電子現金券,加上會員每次惠顧都可以儲「樂賞分」,多食多賞!如果喺一星期內累積指定消費3次或以上,仲可以有「樂賞錢」回贈,下次惠顧個陣當現金使用。另外記得留意App入面嘅最新消息同會員優惠,除咗會定期推出新coupon,仲有機會食到免費大家樂下午茶,絕對要密切留意呀!

延伸閱讀: 想免費嘆個下午茶?即download大家樂Club 100會員APP 輕鬆儲分又慳錢

※部份資料及圖片提供:大家樂

*本文章所發表的全部內容均屬個人意見及感受,並不代表任何品牌(公司)與本網站言論或立場。